ആരോഗ്യ സംരക്ഷണത്തിനായി പലരീതിയിലുള്ള വ്യായാമ മുറകളും നിത്യജീവിതത്തിന്റെ ഭാഗമാകാറുണ്ട്. ഭാരോദ്വഹനം എന്നത് ജിമ്മിലെ വ്യായാമമുറകളുടെ ഭാഗമാണ്. എന്നാൽ ഭാരോദ്വഹനം നടത്തിയതിലൂടെ യുവതിക്ക് ജീവൻ തന്നെ നഷ്ടമായതാണ് ഇപ്പോൾ വാർത്തയാകുന്നത്.
DIED ON SPOT.
A woman in Mexico today was trying to lift 180 kg but couldn't do it. Instructor is responsible for this. #Mexico #gym #gymlife pic.twitter.com/wKHtLQvLvR— V_🔑 (@Wonderwanderer9) February 23, 2022
പെരാവില്ലോ എന്ന സ്ഥലത്തെ പ്രാദേശിക ജിമ്മിലായിരുന്നു ദാരുണമായ സംഭവം. 180 കിലോഗ്രാം ഭാരം ഉയർത്താൻ ശ്രമിച്ച സ്ത്രീയാണ് കഴുത്ത് ഒടിഞ്ഞ് നിമിഷം നേരംകൊണ്ട് ദാരുണമായി മരിച്ചത്. ഭാരം ഉയർത്താൻ സാധിക്കാതെ ബാർബെൽ ഇവരുടെ ശരീരത്തിലേക്ക് വീഴുകയും കഴുത്ത് ഒടിയുകയും ചെയ്തു. അപകടത്തിന്റെ ആഘാതത്തിലാണ് മരണം സംഭവിച്ചത്.
ജിമ്മിലെ ക്യാമറയിൽ പതിഞ്ഞ അപകടത്തിന്റെ നടുക്കുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചിക്കുന്നുണ്ട്. ഭാരമുയർത്താൻ പരിശീലകൻ യുവതിയെ സഹായിക്കുന്നത് ദൃശ്യങ്ങളിൽ വ്യക്തമാണ്. ഇതിനിടെ യുവതി ഒറ്റയ്ക്ക് ശ്രമിക്കുന്നതിനിടെയായിരുന്നു അപകടം സംഭവിച്ചത്. 35-45നും ഇടയിൽ പ്രായമുള്ള യുവതിയാണ് അപകടത്തിൽപ്പെട്ടതെന്നാണ് നിഗമനം.